Noriichten

Zwee Deeg, nodeems en am Ministerrot ugeholl gouf, hunn d'Inneministesch, Taina Bofferding, de Wunnengsbauminister, Henri Kox, an d'Finanzministesch, Yuriko Backes, haut de Gesetzprojet iwwert d'Grondsteier, d'Mobiliséierungssteier vun Terrainen an d'Leerstandssteier op Wunnenge, sou wéi de Gesetzprojet iwwert de nationale Regëster vu Gebaier a Wunnengen presentéiert.

Méi wéi 4 Joer no der Presentatioun vun der Campagne "E passt op Iech op: den Dampmelder" huet d'Inneministesch Taina Bofferding haut op enger Pressekonferenz drun erënnert, dass vum 1. Januar 2023 un Dampmelder an all Wunning am Grand-Duché Flicht sinn.

Den 8. September 2022, hunn de Minister fir Energie Claude Turmes, d'Inneministesch Taina Bofferding, an de Minister fir Mëttelstand Lex Delles, zesumme mam Vertrieder vum Syvicol, Serge Hoffmann, dem Vetrieder vun der Handelskummer, Fernand Ernster, an dem Vetrieder vun der Handwierkschamber, Alexander Kieffer, déi national Energiespuercampagne virgestallt.

D’Inneministesch Taina Bofferding hat de 6. September 2022 e konstruktiven Austausch mat Vertrieder vun der Amicale vun de Pompjeesveteranen.

Op der ausseruerdentlecher Reunioun vum EU-Rot vun den Energieministeren, sinn d'Memberstaaten zu engem politeschen Accord komm, fir tëschent dem 1. August 2022 an dem 31. Mäerz 2023 op eng Reduzéierung vu 15% vum Gas-Bedarf hinzeschaffen an dat an enger éischter Phas op fräiwëlleger Basis.

Am Kader vum Iwwerschaffe vum Warnsystem fir d'Populatioun fiert d'Regierung e Méinden, 1. August 2022, mat der Ëmsetzung vun hirer Teststrategie vum nationale Warnsystem weider. Dëst geschitt mam Test vum Sirenennetz, deen all Mount duerchgefouert gëtt a mam Verschécke vun engem Test-Warnmessage iwwert d'GouvAlert-App, sou wéi enger Warn-SMS bannent enger bestëmmter Zon.

D'Inneministesch Taina Bofferding seet sech iwwerrascht, wat d'Aussoe vum Iechternacher Buergermeeschter Yves Wengler haut am Lëtzebuerger Wort ugeet am Zesummenhank mat de Schied vum Héichwaasser vu viru genee engem Joer.

D'Ministesch fir Famill an Integratioun, Corinne Cahen, d'Inneministesch Taina Bofferding, an d'Justizministesch, Sam Tanson, begréissen de Vott vu gëschter an der Chamber zum Gesetz fir d'Ännerung vum geännerte Walgesetz vum 18. Februar 2003.

Am Kader vum Iwwerschaffe vum Warnsystem fir d'Populatioun fiert d'Regierung e Méinden, 4. Juli 2022, mat der Ëmsetzung vun hirer Teststrategie vum nationale Warnsystem weider. Dëst geschitt mam Test vum Sirenennetz, deen all Mount duerchgefouert gëtt a mam Verschécke vun engem Test-Warnmessage, deen an enger bestëmmter Zon getest gëtt.

3 Méint nom viregte "Conseil supérieur des finances communales" ass de Constat an där jéngster Réunioun vun haut deeselwechte gewiescht, nämlech dass d'Finanzsituatioun vun de Gemengen dynamesch, awer global gesi stabel ass!

Am Kader vum Iwwerschaffe vum Warnsystem fir d'Populatioun fiert d'Regierung e Méinden, 6. Juni 2022, mat der Ëmsetzung vun hirer Teststrategie vum nationale Warnsystem weider. Dëst geschitt mam Test vum Sirenennetz, deen all Mount duerchgefouert gëtt a mam Verschécke vun engem Test-Warnmessage, deen dës Kéier awer nëmmen an enger bestëmmter Zon getest gëtt.

D'Inneministesch Taina Bofferding begréisst, dass de Gesetzprojet iwwer nei Grenzen tëscht de Gemenge Bäerdref a Konsdref säi legislative Wee an der Chamber ka goen.

De Moien hunn d'Inneministesch Taina Bofferding an d'Justizministesch Sam Tanson déi nei a méi modern Modalitéite fir d'Organisatioun vun engem Bestietnis oder enger Partnerschaft (PACS) virgestallt.

Am Kader vum Gesetzprojet iwwert d'Sanctions administratives ass jo eng Kompetenzerweiderung vun den Agents municipaux virgesinn. Sou solle si an Zukunft virun allem e Proximitéitsservice ubidden, fir d'Zesummeliewen an de Gemengen ze favoriséieren an awer och eng Rei Protokoller bei Infraktioune géint déi generell Policereglementer vun de Gemenge schreiwe kënnen.

Am Kader vum Iwwerschaffe vum Warnsystem fir d'Populatioun schéckt d'Regierung de Méinden, 2. Mee 2022, eng Test-Warn-SMS un d'ganz Bevëlkerung.